全息影像通讯亦到呢度结束，睇到黑暗嘅化身喺自己面前消失，新行政官而家先可以松一口气。
「新任行政官大人，咁我哋而家点做好？」企喺一边目睹全程嘅其中一名副手，即刻想巴结新行政官，埋嚟献殷勤。
「嘿，只Si肥猪蠢到懵炳咁，抵佢有今日，其实我一早已经有方法，只系冇同只肥猪讲，如果唔系我点上到位。」
「大人英明！万岁万万岁！」副手立施妙手擦鞋之技，希望得到新官嘅重用。但佢个心不禁喺度谂，若然肥猪嘅下场系咁，呢位新上司又点可以保证自己唔会步肥猪後尘？不过暗地里人人都叫呢位蛇头鼠眼嘅长官做「鹰狼」，手段非常厉害，以佢咁心狠手辣，话唔定真系可以明哲保身兼上到位。
之後，新任行政官向整个星系发表讲话，指出肥猪长官因为脚痛要告老还乡休养，帝国已经正式委任自己领导星系未来嘅发展。
讲话当中发表咗一个重点，就系星系当中将会以一种前所未见嘅物料去建立一个最前进同最大型嘅城市，b年轻人规划佢哋嘅将来：
「呢种前所未见嘅物料，需要拥有对帝国彻底忠诚嘅纯真之心先可以见到同触m0到，由呢一种物料所建造嘅城市，将会远胜全银河所有星系，本星系嘅未来将会由呢种物料带领步入另一个新时代，所有人民都应该紧随帝国嘅步伐，为建设帝国嘅未来而努力！」
喺新行政官慷慨激昂嘅陈词之下，新城市嘅发展工程正式展开！
喺贵族同埋富豪嘅推波助澜下，新城市嘅楼花炒风极为炽烈，再加上为咗表示自己对帝国嘅忠诚，几乎人人都争住最少认购一个单位。新行政官更同时推出一个政策，就系即使冇钱买楼嘅低下阶层人士都可以得到帝国政府全数资助贷款，可以负数息口兼三年免供优惠全额按揭借钱买楼，实行人人有楼住，人人有未来。
帝国从来未试过咁阔佬，好多人都失去理X，几乎每人点都申请返一个单位，再加上为咗表示自己嘅Ai国心，更加义无反顾训身去尽。
以星系嘅科学技术，要建造一个全新嘅城市应该唔需要好耐，但预定建筑新城市嘅地方就一直都只系一片空地，冇任何动工嘅迹象。
到咗工程预定完工嘅嗰日，新行政官带同重要官员同埋贵族、富豪们，去到新城市举行启用仪式。
内容未完，下一页继续阅读